ကြယ်ငါးမှတ်တမ်း ဇာတ်လမ်းတစ်ရာ

20000.00 MMK

Author: ဒေါက်တာသန်းမင်းထွဋ် (ပင်းတယမီးအိမ်ရှင်)
ID: #1392 Pages: 339

- ကြယ်ငါးဆိုသော စကားလုံးအတွက် ဆရာဖေမြင့်ကို ကျေးဇူးတင်ပါသည်။ ဆရာ ဘာသာပြန်သော နှလုံးသားအာဟာရ ရသစာများ စာအုပ်မှာ ကြယ်ငါးကောက်သူတစ်ဦး အကြောင်းကို ဖတ်ရှုစွဲငြိခဲ့ရဖူးပါသည်။ - ကမ်းခြေမှာ ကြယ်ငါးလေးတွေ သိန်းသောင်းချီပြီး သောင်တင်နေကြသည်။ ပင်လယ်ထဲသို့ ပြန်မဆင်းနိုင်ကြ။ လူတစ်ယောက်က အဲဒီ သိန်းသောင်းချီ နေသော ကြယ်ငါးလေးတွေကို ကောက်ပြီး ပင်လယ်ထဲ ပြန်ချပေးနေသည်။ - ဒါကိုတွေ့မြင်သူတစ်ယောက်က ကြယ်ငါးကောက်သူကိုမေးသည်။ “ကမ်းခြေ သောင်စပ်မှာ ရှိတဲ့ ကြယ်ငါးတွေ သိန်းသောင်းချီကိုဗျာ ခင်ဗျားတစ်ယောက်ထဲ ကောက်ပစ်နေလို့ ဘာများထူးခြား ပြောင်းလဲ သွားမှာလဲ” တဲ့။ - အဲဒီအခါ ကြယ်ငါးကောက်သူက ကြယ်ငါးနောက်တစ်ကောင်ကို ကောက်ယူရင်း ပြောလိုက်သည်။ “တခြားကောင်တွေအတွက်တော့ မထူးခြားပေမယ့် ဟောဒီ ကြယ်ငါးတစ်ကောင်အတွက်တော့ ထူးခြားသွားတာပေါ့ဗျာ”ဟု ဆိုလိုက်လေသည်။ - အဲဒီစာလေးကို ဖတ်ပြီး မြန်မာပြည်မှာ နိုင်ရာနိုင်ရာ ကြယ်ငါးကောက်သူတွေ ပေါ်လာကြသည်။ ကျွန်တော့်အရင် ကြယ်ငါးကောက်ခဲ့သူက မြန်အောင်မြို့က အကိုကြီး ကိုသောင်းထွဋ် ဖြစ်ပါသည်။ သူက ကြယ်ငါးကောက်သူများဆိုသော အဖွဲ့လေး ဖွဲ့ပြီး တောင်ပေါ်ဒေသက မိဘမဲ့ကလေးတွေကို ကျောင်းလေးထောင်ပြီး စာလေးသင်ပေး၊ ဘဝတွေ ပျိုးထောင်ပေးခဲ့သည်။ သူ့ကျောင်းလေးကို ရောက်ပြီး အပြန်မှာ ကျွန်တော့်ရင်ထဲတွင် ကြယ်ငါးကောက်သူများ ဆိုသည့် စကားလုံးလေး မှတ်မှတ်ထင်ထင် ကျန်နေခဲ့ပါသည်။ (အမှာစာမှ ကောက်နုတ်ချက်)