ဂရင်းညီနောင်ပုံပြင် ၁၀၀ (အတွဲ - ၁)

19500.00 MMK

Author: မင်းယုဝေ
ID: #1428 Pages: 364

"မှော်ပညာ၊ စွန့်စားမှုနဲ့ ဘဝရဲ့ အရေးကြီးတဲ့ သင်ခန်းစာတွေ ပြည့်နှက်နေတဲ့ ဂရင်းညီနောင်ပုံပြင် ၁၀၀" - ဂျာမန် ညီအစ်ကိုနှစ်ဦးဖြစ်တဲ့ ဂျေးကော့ဘ် နဲ့ ဝီလ်ဟမ် ဂရင်း (Brothers Grimm) တို့ညီအစ်ကိုဟာ ပျောက်ကွယ်လုနီးပါးဖြစ်နေတဲ့ ဂျာမန်နဲ့ ဥရောပရဲ့ ရိုးရာပုံပြင် (folk tales) တွေကို စနစ်တကျ စုဆောင်း မှတ်တမ်းတင်ခဲ့ပါတယ်။ - ဂရင်းညီနောင်ပုံပြင်တွေဟာ ကလေးတွေ အိပ်ရာဝင်တိုင်း နားထောင်ဖို့သက်သက် မဟုတ်ပါဘူး။ ဒီပုံပြင်တွေဟာ မျိုးဆက်ပေါင်းများစွာကို ဖြတ်သန်းပြီး လူသားတွေရဲ့ အတွေ့အကြုံ၊ ကြောက်ရွံ့မှု၊ မျှော်လင့်ချက်တွေကို ထင်ဟပ်စေ ပါတယ်။ - ဒီပုံပြင်တွေထဲမှာ ရဲစွမ်းသတ္တိ၊ ကြင်နာမှု၊ လိမ္မာပါးနပ်မှုရဲ့ အရေးပါပုံနဲ့ လောဘ၊ မနာလိုမှုရဲ့ အကျိုးဆက်တွေအကြောင်း နက်နဲတဲ့ သင်ခန်းစာတွေလည်း ပါဝင်ပါတယ်။ - ဂရင်းပုံပြင်တွေမှာ ချစ်စရာကောင်းတဲ့ ကာတွန်းပုံပြင်တွေထက် ပိုပြီး နက်နဲ၊ မှောင်မိုက်တဲ့ မူရင်းအရသာကို ခံစားရမှာပါ။ စုန်းမတွေ၊ ဝံပုလွေတွေ၊ မှော်ဆန်တဲ့ တောအုပ်တွေရဲ့ လျှို့ဝှက်ဆန်းကြယ်မှုကို အပြည့်အဝ ခံစားရမှာပါ။ - "Snow White," "Cinderella," "Rapunzel," "Hansel and Gretel" စတဲ့ သူတို့စုဆောင်းထားတဲ့ ပုံပြင်တွေမှာပါတဲ့ ကိုယ်ကျင့်တရားဆိုင်ရာ သင်ခန်းစာတွေ၊ စိတ်ကူးယဉ်ဆန်တဲ့ ဇာတ်လမ်းဖွဲ့စည်းပုံတွေဟာ ဘယ်လူမျိုး၊ ဘယ်ယဉ်ကျေးမှုကမဆို ဆက်စပ်ခံစားနိုင်တဲ့အတွက် ကမ္ဘာအနှံ့အပြားကို အလွယ်တကူ ပျံ့နှံ့သွားခဲ့ပါတယ်။ - သူတို့ရဲ့ ပုံပြင်တွေကို ဘာသာစကား ၁၀၀ ကျော် ပြန်ဆိုခဲ့ကြသလို Walt Disney လို နာမည်ကြီး ရုပ်ရှင်ထုတ်လုပ်သူတွေကပါ ရုပ်ရှင်တွေ၊ ကာတွန်းတွေအဖြစ် အကြိမ်ပေါင်းများစွာ ပြန်လည်ဖန်တီးခဲ့တာကြောင့် ကမ္ဘာကျော်ကာ ပိုမိုလူသိများလာခဲ့ပါတယ်။ - ဆရာကြီးမင်းယုဝေတို့ဇနီးမောင်နှံဟာ ဂျာမန်မူရင်းရဲ့ ခံစားမှုနဲ့ အငွေ့အသက်ကို မပျောက်ပျက်စေဘဲ မြန်မာစာဖတ်သူတွေနဲ့ ရင်းနှီးလွယ်ကူအောင် ဂရုတစိုက် ဘာသာပြန်ဆိုထားတာကို တွေ့ရပါလိမ့်မယ်။ ကလေးရော လူကြီးပါ နားလည်လွယ်ကူပြီး ဖတ်ရှုသူကို အရသာ အပြည့်ပေးတဲ့အပြင် ကြည်လင်ပြတ်သားတဲ့ မြန်မာအသုံးအနှုန်းတွေကို အသုံးပြုထားပါတယ်။ _ကံ့ကော်ဝတ်ရည်